مشـ ع ــلوه
» الـمــديــر الـعـامـ «
عدد الرسائل : 2208 العمر : 35 الموقع : الدمام ,, : فرقاك عادي وأقل من عادي أنا من الله كذا إذا عفت أحد عفته مــزآآجــي : Personalized field : تاريخ التسجيل : 12/01/2008
| موضوع: ][ رقمهـآ بـآيخ بس صـوتهآ قتـآل ][ الخميس مارس 27, 2008 10:59 am | |
| البــارحة جـاني مـن الحـب مرسـال من عقب ما بينـي وبينـه خصيمـة
وانا ترى في الحـب مانيـب فعّـال ولا بعـد ولّـع بقلبـي هشيـمـه
ولا بعد غنّيت فـي ساعـة وصـال ولا بعد ذقـت الفـراق وجحيمـه
ولا جرى دمعي على الخـد همّـال ولابعـد جربـت مــرّ الهزيـمـة
حتى وردنـي تالـي الليـل جـوال وانا على شاهي وبسكـوت ديمـة
الرقم بايخ لكـن الصـوت قتـال كنه مثل صـوت المذيعـة حليمـة
قالت مساء الخير يـا طيّـب الفـال قلـت ارحبـي ترحيبـةٍ مستديمـة
بالعود والصفـري ودلـة وفنجـال واجبك يا بنت الأصـول الكريمـة
ردت بضحكة ثم قالت وش الحـال؟ قلت اشهد إن الحال عقبك سقيمـة
قالت وهي تضحك بعد مثل الأطفال وانـا بعـد كنـي بدونـك يتيمـة
من يـوم قالتهـا تزلزلـت زلـزال من فجعتي كنـي مسـوي جريمـة
قلت ارفعي صوتك ترى مابه ارسال كـذاب لكـنّ المصيبـة عظيمـة
قالت أقول اسمع ترى هرجنـا طـال ممكـن تصاحبنـي ترانـي وسيمـة
واسمي الحقيقي أول حروفـه الـدال لكـن يسمّونـي البنـات الزعيمـة
صحيح أحب الفخفخة واعشق المال لكـن ترانـي طاهـرة مستقيـمـة
ما عندي امغازل ولا (لعب يهّـال) ما عندي إلا في الشرف والحشيمـة
بس الصراحة قلبي لشوفتـك مـال واصبحت وحدك جالسٍ في صميمه
فكّر بعقلك واترك القيـل والقـال واحذر تطيع اهل العقـول العقيمـة
وارسل علي الحين خمسميـة ريـال أشحن بهـا جـوال أختـي غنيمـة
أو طقم غالي فيه خاتـم وسلسـال أروح بـه فـي عـرس ولاّ عزيمـة
قلت الحقيقة مانيب رجـل أعمـال ولانـي بتاجـر والمـوارد عديـمـة
أنا الصراحة شبـه عطّـال بطّـال وعلاقتـي بالفقـر جـداً حميـمـة
والراتب الله يرحم الحـال مـا زال محـدود والمصـروف ربـي عليمـه
والدين بـالآلاف والبنـك شغّـال ياكـل فلوسـي بالربـا والظليمـة
والسوق طايح والغلا ضيّـق البـال والموت والله صايـر اكبـر غنيمـة
قالت تحمّل بـس والحمـل ينشـال خلك شديد الباس صلـب العزيمـة
ياخي تصرّف جعلك اتصيـر نشّـال أهـم شـي إن النوايـا سليـمـة
لابد تفهمني علـى كـل الأحـوال ما دمت من أهل العقـول الفهيمـة
قلت إيه والله فاهم اللي على البـال لكن تـرى هـذي علينـا قديمـة
يا بنت هـذا صايـر اليـوم مـوال للي تبي تلعب علـى ابـن اللئيمـة
يا بنت ما تدرين كـم فيـه محتـال يلعب على الحبلين وانتـي غشيمـة
يا بنت كم من جاهلة دمعها سـال من عقب ما جات العواقب وخيمـة
والبنت لا اقفى عرضها بيد الأنـذال والله مـا يبقـى لهـا أي قيـمـة
قالت تبي ولاّ فخلّك علـى جـال مهوب ناقصـني نصايـح حكيمـة
عز الله إنك للأسف منـت رجّـال وانك قليل الذوق ما فيـك شيمـة
يا لعنبو اللي مـا يسطّـرك بنعـال حتـى يعلمـك الغـزل يـا بهيمـة
][ تفو ][ عليك وصكّت الخط في الحال
مدري ][ تفو ][ هي مدح ولاّ شتيمـة
| |
|
دلوعه الشوق » مشـرفة منتـدى الشعـر والخـواطر «
عدد الرسائل : 4840 الموقع : شرقية الحب تاريخ التسجيل : 30/10/2007
| موضوع: رد: ][ رقمهـآ بـآيخ بس صـوتهآ قتـآل ][ الخميس مارس 27, 2008 11:15 am | |
| يسلمــــــــــووووووووووووو يالغلااااااااااا
ابياااااااااات من جد روووعه
عسى الله لايحرمنا من جديدك يالغلا
تقبل مروري وتحيااتي
دلعلع | |
|
مشـ ع ــلوه
» الـمــديــر الـعـامـ «
عدد الرسائل : 2208 العمر : 35 الموقع : الدمام ,, : فرقاك عادي وأقل من عادي أنا من الله كذا إذا عفت أحد عفته مــزآآجــي : Personalized field : تاريخ التسجيل : 12/01/2008
| موضوع: رد: ][ رقمهـآ بـآيخ بس صـوتهآ قتـآل ][ الخميس مارس 27, 2008 11:17 am | |
| الله يسلمك أأأأأأمين <<<< الله لا يحرمكم مني منورة الصفحة مشكورررة على مرورك الرائع | |
|
مناكير هانم..
» الـمـديره الـعـامـهـ «
عدد الرسائل : 6370 العمر : 34 الموقع : الرياض الشقيقه.. ,, : ..توفيقك يارب.. مــزآآجــي : Personalized field : تاريخ التسجيل : 25/11/2007
| موضوع: رد: ][ رقمهـآ بـآيخ بس صـوتهآ قتـآل ][ الخميس مارس 27, 2008 8:22 pm | |
| قصيده راائعه,,
تسلم اخووي,, | |
|
مشـ ع ــلوه
» الـمــديــر الـعـامـ «
عدد الرسائل : 2208 العمر : 35 الموقع : الدمام ,, : فرقاك عادي وأقل من عادي أنا من الله كذا إذا عفت أحد عفته مــزآآجــي : Personalized field : تاريخ التسجيل : 12/01/2008
| موضوع: رد: ][ رقمهـآ بـآيخ بس صـوتهآ قتـآل ][ الجمعة مارس 28, 2008 10:34 am | |
| مرووورك الرائع الله يسلمك معطرة صفحتي مشكورة على المرور | |
|